ಚುನಾವಣಾ ಬಾಂಡ್: ಸುಪ್ರೀಂಕೋರ್ಟ್ಗೆ ಅಫಿಡವಿಟ್ ಸಲ್ಲಿಸಿದ ಎಸ್ಬಿಐ
ನವದೆಹಲಿ, ಮಾ. 13: ಚುನಾವಣಾ ಬಾಂಡ್ ಕುರಿತು ಎಸ್ಬಿಐ ಸುಪ್ರೀಂಕೋರ್ಟ್ಗೆ ಅಫಿಡವಿಟ್ ಸಲ್ಲಿಕೆಯನ್ನು ಮಾಡಿದ್ದು, ಏಪ್ರಿಲ್ 1, 2019 ಮತ್ತು ಫೆಬ್ರವರಿ 15, 2024ರ ನಡುವೆ 22,217 ಬಾಂಡ್ಗಳನ್ನು ಖರೀದಿಸಲಾಗಿದೆ ಮತ್ತು ಈ ಅವಧಿಯಲ್ಲಿ ರಿಡೀಮ್ ಮಾಡಿದ ಒಟ್ಟು ಬಾಂಡ್ಗಳ ಸಂಖ್ಯೆ 22,030 ಎಂದು ಅಫಿಡವಿಟ್ನಲ್ಲಿ ಉಲ್ಲೇಖಿಸಲಾಗಿದೆ. ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (ಎಸ್ಬಿಐ) ಅಧ್ಯಕ್ಷರಾದ ದಿನೇಶ್ ಕುಮಾರ್ ಖಾರಾ ಬುಧವಾರ ಸುಪ್ರೀಂ ಕೋರ್ಟ್ಗೆ ಅಫಿಡವಿಟ್ ಸಲ್ಲಿಸಿದ್ದು, ಏಪ್ರಿಲ್ 1, 2019ರಿಂದ ಖರೀದಿಸಲಾದ ಚುನಾವಣಾ ಬಾಂಡ್ಗಳ ಸಂಪೂರ್ಣ ವಿವರಗಳನ್ನು ಭಾರತೀಯ ಚುನಾವಣಾ ಆಯೋಗಕ್ಕೆ ಸಲ್ಲಿಸಲಾಗಿದೆ.
ಎಸ್ಬಿಐ ಅಧ್ಯಕ್ಷ ದಿನೇಶ್ ಕುಮಾರ್ ಖಾರಾ ಅವರ ಅಫಿಡವಿಟ್ನ ಪ್ರಕಾರ, ಇಸಿಐಗೆ ಒದಗಿಸಲಾದ ದಾಖಲೆಗಳು ಎರಡು ಸೆಟ್ ಮಾಹಿತಿಯನ್ನು ಒಳಗೊಂಡಿವೆ ಒಂದರಲ್ಲಿ ರಾಜಕೀಯ ಪಕ್ಷಗಳ ಹೆಸರುಗಳು ಮತ್ತು ಬಾಂಡ್ಗಳ ವಿವರಗಳು ಮತ್ತು ಇನ್ನೊಂದು ಖರೀದಿದಾರರ ವಿವರಗಳನ್ನು ಒಳಗೊಂಡಿದೆ. ಏಪ್ರಿಲ್ 1, 2019 ಮತ್ತು ಫೆಬ್ರವರಿ 15, 2024ರ ನಡುವೆ 22,217 ಬಾಂಡ್ಗಳನ್ನು ಖರೀದಿಸಲಾಗಿದೆ ಮತ್ತು ಈ ಅವಧಿಯಲ್ಲಿ ರೀಡೀಮ್ ಮಾಡಿದ ಒಟ್ಟು ಬಾಂಡ್ಗಳ ಸಂಖ್ಯೆ 22,030 ಎಂದು ಅಫಿಡವಿಟ್ ಹೇಳಿದೆ. 15 ದಿನಗಳ ಅವಧಿಯೊಳಗೆ ರಿಡೀಮ್ ಮಾಡದ 187 ಬಾಂಡ್ಗಳನ್ನು 2018ರ ಗೆಜೆಟ್ ಅಧಿಸೂಚನೆಯ ಪ್ರಕಾರ, ಪ್ರಧಾನ ಮಂತ್ರಿಗಳ ರಾಷ್ಟ್ರೀಯ ಪರಿಹಾರ ನಿಧಿಗೆ ವರ್ಗಾಯಿಸಲಾಗಿದೆ ಎಂದು ಅಫಿಡವಿಟ್ನಲ್ಲಿ ಉಲ್ಲೇಖಿಸಲಾಗಿದೆ.
ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಸರಿಯಾದ ದಾಖಲೆಗಳನ್ನು ಹೊಂದಿದೆ, ಅದರಲ್ಲಿ ಚುನಾವಣಾ ಬಾಂಡ್ ಖರೀದಿಯ ದಿನಾಂಕ, ಮುಖಬೆಲೆ ಮತ್ತು ಖರೀದಿದಾರರ ಹೆಸರನ್ನು ಉಲ್ಲೇಖಿಸಲಾಗಿದೆ. ಎನ್ಕ್ಯಾಶ್ಮೆಂಟ್ ದಿನಾಂಕ ಮತ್ತು ಎನ್ಕ್ಯಾಶ್ ಮಾಡಿದ ಬಾಂಡ್ಗಳ ಮುಖಬೆಲೆಗಳನ್ನು ದಾಖಲಿಸಲಾಗಿದೆ. ಸುಪ್ರೀಂಕೋರ್ಟ್ನ ನಿರ್ದೇಶನಗಳನ್ನು ಗೌರವಯುತವಾಗಿ ಅನುಸರಣೆಯ ಭಾಗವಾಗಿ 12.03.2024ರಂದು ವ್ಯವಹಾರದ ಸಮಯ ಮುಗಿಯುವ ಮೊದಲು ಈ ಮಾಹಿತಿಯ ದಾಖಲೆಯನ್ನು ಡಿಜಿಟಲ್ ರೂಪದಲ್ಲಿ (ಪಾಸ್ವರ್ಡ್ ಸಂರಕ್ಷಿತ) ECI ಗೆ ಲಭ್ಯವಾಗುವಂತೆ ಮಾಡಲಾಗಿದೆ ಎಂದು ಅಫಿಡವಿಟ್ನಲ್ಲಿ ಉಲ್ಲೇಖಿಸಲಾಗಿದೆ.
ಮಂಗಳವಾರ ಮುಚ್ಚಿದ ಲಕೋಟೆಯಲ್ಲಿ ಭಾರತೀಯ ಚುನಾವಣಾ ಆಯೋಗಕ್ಕೆ ಚುನಾವಣಾ ಬಾಂಡ್ ಬಗ್ಗೆ ಮಾಹಿತಿಯನ್ನು ಹಂಚಿಕೊಳ್ಳಲಾಗಿದೆ ಎಂದು ಈ ಪತ್ರವು ಬಹಿರಂಗಪಡಿಸಿದೆ. ಲಕೋಟೆಯು ಎರಡು ಪಾಸ್ವರ್ಡ್-ರಕ್ಷಿತ PDF ಫೈಲ್ಗಳನ್ನು ಹೊಂದಿರುವ ಪೆನ್ ಡ್ರೈವ್ನ್ನು ಒಳಗೊಂಡಿತ್ತು ಎಂದು ಸುಪ್ರೀಂಕೋರ್ಟ್ಗೆ ತಿಳಿಸಲಾಗಿದೆ.
ಏಪ್ರಿಲ್ 12, 2019ರಿಂದ ಖರೀದಿಸಿದ ಚುನಾವಣಾ ಬಾಂಡ್ಗಳ ಕುರಿತ ಮಾಹಿತಿಯನ್ನು ಚುನಾವಣಾ ಆಯೋಗಕ್ಕೆ ಸಲ್ಲಿಸಲು ಸುಪ್ರೀಂಕೋರ್ಟ್ ಈ ಮೊದಲು ಎಸ್ಬಿಐಗೆ ನಿರ್ದೇಶನವನ್ನು ನೀಡಿತ್ತು. ಆದರೆ ಎಸ್ಬಿಐ ಇದಕ್ಕೆ ಜೂ.30ರವೆರೆಗೆ ಕಾಲಾವಕಾಶ ಕೋರಿ ಮತ್ತೆ ಕೋರ್ಟ್ ಮೊರೆ ಹೋಗಿತ್ತು. ಇದು ದೇಶದಲ್ಲಿ ವ್ಯಾಪಕವಾದ ಚರ್ಚೆಗೆ ಕಾರಣವಾಗಿತ್ತು. ಈ ಕುರಿತು ಅರ್ಜಿ ವಿಚಾರಣೆ ನಡೆಸಿದ ಸುಪ್ರೀಂಕೋರ್ಟ್ ಚುನಾವಣಾ ಬಾಂಡ್ ಕುರಿತ ಮಾಹಿತಿಯನ್ನು ಮಾ.12ರ ಸಂಜೆ ಒಳಗಡೆ ಚುನಾವಣಾ ಆಯೋಗಕ್ಕೆ ಸಲ್ಲಿಸುವಂತೆ ಎಸ್ಬಿಐಗೆ ಸೂಚಿಸಿತ್ತು.