NEET-PG 2024 ಪರೀಕ್ಷೆ ಮುಂದೂಡಿಕೆ ಸುಪ್ರೀಂಕ ನಕಾರ
ನವದೆಹಲಿ : ಆಗಸ್ಟ್ 11ಕ್ಕೆ ನಿಗದಿಯಾಗಿರುವ NEET-PG 2024 ಪರೀಕ್ಷೆಯನ್ನು ಮುಂದೂಡುವಂತೆ ಕೋರಿ ಸಲ್ಲಿಸಲಾದ ಅರ್ಜಿಯನ್ನು ಸುಪ್ರೀಂ ಕೋರ್ಟ್ ಶುಕ್ರವಾರ ವಜಾಗೊಳಿಸಿದೆ. 5 ಅರ್ಜಿದಾರರ ಒತ್ತಾಯದ ಮೇರೆಗೆ ನಾವು 2 ಲಕ್ಷ ವಿದ್ಯಾರ್ಥಿಗಳ ವೃತ್ತಿಜೀವನವನ್ನು ಅಪಾಯಕ್ಕೆ ತಳ್ಳಲು ಸಾಧ್ಯವಿಲ್ಲ ಎಂದು ಸಿಜೆಐ ಹೇಳಿದರು.
ಪ್ರಕಣದ ವಿಚಾರಣೆ ನಡೆಸಿದ ನ್ಯಾ. ಡಿವೈ ಚಂದ್ರಚೂಡ್, ಅರ್ಜಿದಾರರನ್ನು ತರಾಟೆಗೆ ತೆಗದುಕೊಂಡಿತು. ಅರ್ಜಿದಾರರ ಪರ ವಾದ‌ಮಂಡಿಸಿದ ವಕೀಲ ಹೆಗಡೆ, ಎಲ್ಲಾ ಅಭ್ಯರ್ಥಿಗಳಿಗೆ ಏಕರೂಪದ ಮತ್ತು ನ್ಯಾಯಯುತ ಪರೀಕ್ಷಾ ವಾತಾವರಣವನ್ನು ಖಚಿತಪಡಿಸಿಕೊಳ್ಳಲು ಒಂದೇ ಬ್ಯಾಚ್‌ನಲ್ಲಿ ಪರೀಕ್ಷೆಯನ್ನು ನಡೆಸಬೇಕು ಎಂದು ಮನವಿ ಮಾಡಿದರು.
2 ಲಕ್ಷಕ್ಕೂ ಅಧಿಕ ವಿದ್ಯಾರ್ಥಿಗಳ ಪೈಕಿ 5 ಮಂದಿ ಮಾತ್ರ ಅರ್ಜಿ ಸಲ್ಲಿಸಿದ್ದಾರೆ ಎಂದು ಪೀಠ ಪ್ರಶ್ನಿಸಿತು, ಇದಕ್ಕೆ ಉತ್ತರಿಸಿದ ಹೆಗಡೆ, ಹಲವಾರು ವಿದ್ಯಾರ್ಥಿಗಳು ಈ ಬೇಡಿಕೆಯನ್ನು ಬೆಂಬಲಿಸಿದ್ದಾರೆ ಮತ್ತು ಅವರು ಸುಮಾರು 50,000 ಸಂದೇಶಗಳನ್ನು ಸ್ವೀಕರಿಸಿದ್ದಾರೆ ಎಂದು ಹೇಳಿದರು. ಇದಕ್ಕೆ ಉತ್ತರಿಸಿದ ಪೀಠ 5 ಅರ್ಜಿದಾರರ ಒತ್ತಾಯದ ಮೇರೆಗೆ ನಾವು 2 ಲಕ್ಷ ವಿದ್ಯಾರ್ಥಿಗಳ ವೃತ್ತಿಜೀವನವನ್ನು ಅಪಾಯಕ್ಕೆ ತಳ್ಳಲು ಸಾಧ್ಯವಿಲ್ಲ ಎಂದಿತು.
ಎರಡು ಪ್ರಾಥಮಿಕ ಕಾಳಜಿಗಳನ್ನು ಎತ್ತಿ ಅರ್ಜಿ ಸಲ್ಲಿಸಲಾಗಿದೆ. ಮೊದಲನೆಯದಾಗಿ, ಅನೇಕ NEET-PG 2024 ಅಭ್ಯರ್ಥಿಗಳಿಗೆ ಪರೀಕ್ಷಾ ಕೇಂದ್ರಗಳನ್ನು ನಿಗದಿಪಡಿಸಲಾಗಿದೆ ಅದು ಅವರಿಗೆ ತಲುಪಲು ಅನಾನುಕೂಲವಾಗಿದೆ. ಎರಡನೆಯದಾಗಿ, ಪರೀಕ್ಷೆಯನ್ನು ಎರಡು ಬ್ಯಾಚ್‌ಗಳಲ್ಲಿ ನಡೆಸಲು ನಿರ್ಧರಿಸಲಾಗಿದೆ ಮತ್ತು ಸಾಮಾನ್ಯೀಕರಣದ ಸೂತ್ರವು ಅಭ್ಯರ್ಥಿಗಳಿಗೆ ತಿಳಿದಿಲ್ಲ, ಇದು ಅನಿಯಂತ್ರಿತತೆಯ ಆತಂಕಗಳಿಗೆ ಕಾರಣವಾಗುತ್ತದೆ ಎಂದು ಹೇಳಲಾಗಿತ್ತು. ಈ ವಾದವನ್ನು ಕೋರ್ಟ್ ಒಪ್ಪಲಿಲ್ಲ.